Kjo përmbajtje është vetëm për abonentët
E-miti i rishikuar
Përmbledhje Libri
Hyrje
Çfarë ka në këtë libër për mua?
Mësoni sekretet e suksesit të bizneseve të vogla.
A e keni kuptuar ndonjëherë se shumica e gjerë e bizneseve të vogla dështojnë pa u bërë ndonjëherë të suksesshme? A e keni pyetur veten ndonjëherë se çfarë është aq e veqantë për bizneset që mbijetojnë pas një periudhe pesë-vjeqare, dhe pastaj vazhdojnë lehtësisht përgjithmonë?
Në këto pulsime, do ta gjeni një udhëzues që është i lehtë për t’u ndjekur për t’u siguruar që biznesi juaj është një sukses dhe jo vetëm një statistikë e trishtë.
Ju poashtu do ta kuptoni:
- Pse 80% e bizneseve të vogla dështojnë në pesë vitet e para,
- Pse strategjia e themeluesit Ray Kroc për McDonaldin është një strategji që duhet ta ndiqni, dhe
- Pse biznesi juaj do të jetë më mirë pa ju.
Ideja kyçe 1
Një ndërmarrës heroik me një ide të madhe dhe njohuri teknike arrin sukses në biznes shpejtë? Ky është mit.
A e keni ditur se një milion biznese të vogla themelohen në Amerikë çdo vit, por 40% të tyre dështojnë në vitin e parë dhe 80% të tyre në pesë vitet e para?Këto përbëjnë 800,000 biznese të dështuara, dhe shumica e këtyre dështimeve janë për shkak të E-Mitit.
E-Miti, apo miti i ndërmarrësisë, është një keqkuptim bazik në biznesin Amerikan.Eshtë nocioni se puna e shkathtësisë teknike dhe ideja e mirë e formojnë bazën e mjaftueshme për suksesin e biznesit.
Njerëzit shpesh e fillojnë biznesin e tyre thjeshtë sepse arrijnë sukses në punë në një fushë të caktuar, si mekanik, berber, apo programer kompjuterik.
Pastaj një ditë çrregullimi ndërmarrës godet. Ata e kuptojnë se nuk duan të bëjnë punë teknike për dikë tjetër. Ata duan të punojnë për veten, ashtu sikurse për vetë idetë dhe biznesin e tyre.
Le të themi se punoni si barist. Ju keni zotëruar pjekjen e kafesë, zierjen dhe artin latte dhe keni shumë ide se si të drejtoni një kafene. Papritur, e kuptoni se preferoni të hapni kafenenë tuaj.
Një të kuptuar të tillë fshihet pas një milion bizneseve të reja çdo vit.
Por nëse e filloni një biznes bazuar në atë se keni ekspertizë teknike dhe ide të reja, ju tashmë keni filluar në mënyrë të gabuar. Biznesi juaj me siguri do të dështojë.
Keni bërë një supozim fatal, besimi i gabuar se njohja e punës teknike nënkupton se dini si ta udhëheqni një biznes.
Në fakt, puna teknike dhe puna që nevojitet për ta udhëhequr një biznes janë dy gjëra krejtësisht të ndryshme.
Ja ku e kemi një shembull.Një bariste e hap kafenenë e saj, dhe së shpejti e kupton se aftësitë e saj për përgaditje të kafesë nuk mjaftojnë për ta bërë biznesin e saj të suksesshëm.Ajo duhet të dijë si të punësojë më shumë punëtorë, të organizojë detyra dhe ta rrisë biznesin e saj.
Ja pse shumë biznese të vogla dështojnë!
Ideja kyçe 2
Zakonisht biznesi i një ndërmarrësi nuk mbijeton pas adoleshencës.
A keni menduar për fazat e biznesit sikur për fazat e një personi? Quditërisht, bizneset kalojnë nëpër fazat e foshnjërisë, adoleshencës dhe maturisë, njësoj sikurse ne.Dallimi i vetëm është se shumica e bizneseve nuk i mbijetojnë adoleshencës.
Në fazën e parë, të foshnjërisë, proari dhe biznesi janë një dhe të njëjtë.
Fillimisht, foshnjëria është romantike. Pronari i biznesit më në fund ia del t’i kryejë të gjitha punët vetë!Për shembull, baristja e hap kafenenë e saj dhe tani po pjek dhe po e pi kafenë e vet-mrekulli!
Por biznesi në këtë fazë nënkupton më shumë konsumatorë dhe më shumë prodhim. Eventualisht, puna bëhet shumë e madhe për ta përballuar.
Në kafenenë e baristes, konsumatorët e vërejnë se hapësira nuk është aq e rregullt më, sepse pronarja nuk ka kohë ta pastrojë atë për çdo ditë.
Papritmas, duke filluar biznesin e saj, pronarja e gjen veten të groposur nën detyrat teknike. Ajo është bërë shefja të cilën ajo ka dashur ta shmangë!
Kur ajo e punëson dikë që ta ndihmojë atë, biznesi hyn në fazën e adoleshencës.
Adoleshenca poashtu fillon mrekullueshëm, ngase pronari nuk ka nevojë t’i bëjë të gjitha vetë më.
Por shumica e pronarëve të bizneseve adoleshente e gëzojnë lirinë shumë dhe menaxhojnë me abdikim në vend që të menaxhojnë me delegim.Ata ua lënë detyrat e tyre të tjerëve dhe supozojnë se do të kryhen, në vend se të sigurohen që gjithçka është bërë në mënyrë të mirëfilltë.
Pas në kafene, klientët fillojnë të ankohen për latet e pakta që bëjnë punonjësit e rinj.
Gjatë kësaj pjese të fazës së adoleshencës, pronarja duhet të tërhiqet nga zona e saj e rehatisë, ku e ka kontrolluar çdo gjë të biznesit vetë.Biznesi do të dështojë perderisa mund të rritet përtej aftësisë së pronares për të bërë dhe kontrolluar gjithçka vetë.
Çfarë mund të bëjë ish-baristja, tani pronare biznesi?
Ajo do të mund të zvogëlohej prapë, t’i largojë punëtorët e saj, dhe të kthehet në zonën e saj të rehatisë, ku është e ngarkuar me punë.
Alternativisht, ajo do të mund të mbetej pa asnjë para dhe ta lë rritjen e biznesit të saj të shpejtohet derisa të dalë jashtë kontrollit, duke punësuar më shumë punëtorë dhe duke e pranuar rënien e paevitueshme në cilësi.
Apo përfundimisht, siq do ta shihni në pulsimet e mëposhtme, ajo mund ta pranojë se biznesi i saj duhet të rritet dhe të planifikojë për këtë mundësi që nga dita e parë.
Ideja kyçe 3
Për ta pasuruar biznesin tuaj përtej fazës së adoleshencës, ju duhet të planifikoni që nga fillimi.
Edhe nëse jeni përgaditur për të dalë jashtë zonës tuaj të kontrollit dhe të hiqni dorë nga një pjesë e kontrollit për ta rritur biznesin tuaj, ku flloni?Duhet te filloni që nga fillimi, para se e keni hapur madje biznesin tuaj.
Kjo për shkak se bizneset që e kalojnë adoleshencën dhe kalojnë në pjekuri themelohen mbi një perspektivë më të gjerë sesa shumica, dhe i kanë planifikuar strukturat e tyre ashtu si ju takon.
Bizneset e sukseshme e konsiderojnë të ardhmen, duke u fokusuar në ndërtimin e një biznesi që funksionon pa qenë i varur në atë që pronari të jetë gjithnjë aty. Në atë mënyrë, kur është koha të rritet biznesi pas adoleshencës, ata do të jenë në gjendje ta menagjojnë rritjen.
Për ta lansuar një biznes që do t’ia dalë deri në pjekuri, ju duhet një perspektivë ndërmarrëse. Kjo domethënë se duhet të planifikoni që nga fillimi se si do të duket dhe punojë drejt qëllimeve të tij.
Në vend se të pyesni ‘’Çfarë pune është e nevojshme në biznes?’’, pyetni Si do të funksionojnë bizneset si tërësi?’’
Për shembull, baristja e di punën teknike që e kërkon kafeneja e saj. Ajo do të pjekë fasule nga Guatemala dhe do të shërbejë latte.Por çfarë do ta dallojë biznesin e saj nga konkurentët?Si do t’i tërheqë ajo konsumatorët? Çfarë lloj konsumatori dëshiron ajo? Përgjigjet ndaj këtyre pyetjeve kërkojnë perspektivë ndërmarrësie.
Atëherë, për ta zbatuar perspektivën tuaj ndërmarrëse, ju do t’iu duhet një model ndërmarrësie.
Modeli ndërmarrës është një plan për bizneset tuaja që i kënaq nevojat e konsumatorëve tuaj potencialë në mënyrë inovative.
Modeli juaj ndërmarrës do t’i përfshijë mundësitë e tregut të biznesit tuaj, një ide të qartë të konsumatorit tuaj ideal dhe asaj se si do të prodhohet produkti juaj.
Për ta shpëtuar biznesin e saj, baristës mund t’i duhet ta mbyllë kafenenë për disa ditë për të menduar rreth perspektivës ndërmarrëse dhe modelit ndërmarrës.Ajo do të mund të vendoste, pra, se klientët e saj të synuar janë studentë të ndërgjegjshëm për mjedisin dhe ajo do të plotësojë nevojat e tyre duke qenë kafeneja e parë që ofron qumësht me burim lokal dhe kabina leximi.
Ideja kyçe 4
Brenda vetes, të gjithë kanë personalitete të ndryshme biznesi.
A e mendoni veten si një personalitet të vetëm të parashikueshëm?Atëherë biznesi juaj me siguri do të ketë vështirësi.E vërteta është se ne përbëhemi nga një numër personalitetesh që janë në luftë me njëri-tjetrin. Specifikisht, të gjithë jemi një pjesë ndërmarrës, menagjer dhe teknikolog.
Një moment jemi ndërmarrës që krijojmë një produkt të ri, dhe në tjetrin jemi teknolog, të frustruar me idenë e re e cila na erdhi në mendje vetëm një moment më parë!
Nga të gjitha personalitetet tona luftuese, ndërmarrësi është më inovatori, duke shikuar rreth vetes, dhe duke e parë një botë mundësishë.
Ajo është ëndërrimtare dhe vizionare e madhe. Ajo i sheh të gjitha këndet, të gjitha mundësitë drejt suksesit, dhe është qëllimisht e fokusuar në të ardhmen.
Ndonjëherë ajo energji dhe vrapim konstant pas mundësisë krijon shkatërrim dhe kaos. Ajo përpiqet të tërheqë njerëzit dhe frustrohet kur gjërat ngadalësohen ose mbeten prapa.
Pa ndërmarrësin, nuk do të kishte inovacion.
Menagjeri brenda jush është pragmatik dhe lëngon për rregull. Më shumë sesa mundësitë, ajo i sheh problemet që duhen zgjidhur.
Teksa ndërmarrësi sjell inovacion dhe gjëra të reja, menagjeri i organizon gjërat me rreshta, në mënyrë të rregullt dhe të përpiktë.
Pa menagjerin, biznesi nuk do të mund të funksiononte asnjëherë.
Së fundmi, është teknikologu, vepruesi dhe makineriku.
Teknikologu brenda jush e pëlqen kontrollin e rrjedhës së punës dhe përfundimin e gjërave.
Ajo është e frustruar nga dobësia e sipërmarrësit dhe nevoja për të ndryshuar vazhdimisht idetë, dhe e acaruar nga ndërhyrja e menaxherit në rrjedhën e punës së saj. Por ajo është e lumtur kur sipërmarrësi dhe menaxheri i krijojnë më shumë punë për të bërë.
Pa teknikologun, asgjë në biznes nuk do të kryhet.
Megjithëse të tri personalitetet brenda nesh duken të jenë totalisht në kundërshtim me njëri-tjetrin, në duhet t’i shfrytëzojmë pikat e forta të secilit për të udhëhequr një biznes të suksesshëm.Ja pse pronari mesatar i biznesit është përafërsisht 10% ndërmarrës, 20% menagjer, dhe 70% teknikolog.
Pra, tani ju i dini shanset e frikshme kundër jush nëse vendosni të filloni një kompani. Por si mund të shmangni të bëheni një nga 800,000 bizneset e dështuara? Epo, në biznesin e vogël po ndodh një revolucion dhe brenda saj qëndron sekreti i suksesit.
Ideja kyçe 5
Egziston një revolucion i vazhdueshëm në biznese të vogla që ofron një rrugë drejt suksesit.
A e keni kuptuar se jemi në mes të një revolucioni historik që do ta ndryshojë biznesin përgjithmonë?
Quhet çelësi në dorë, sepse çdo ditë e më shumë, bizneset po krijohen ashtuqë pronari të mundet në parim t’ia japë çelësin e biznesit të tij çdokujt, dhe ai person duhet të jetë në gjendje ta udhëheqë biznesin suksesshëm.
Bizneset në revolucionin çelësi në dorë krijojnë një model që funksionon në mënyrë të përsosur, që ofron një produkt të parashikueshëm te konsumatori me çdo blerje, dhe që mund të replikohet pa praninë e pronarit.
Me fjalë të tjera, ato janë ekskluzivitete.
Në mënyrë që biznesi juaj të jetë biznes me çelës në dorë, ju duhet të keni një format biznesi ekskluziv: modelin që ja jepni personit që operon një zingjirë tregjesh me pakicë, personit që do ta udhëheqë biznesin tuaj ekskluziv. Ajo i përmban proceset e biznesit, organizatat dhe sistemet.
Shkalla e suksesit për personin që operon një zingjir tregjesh me pakicë është e mahnitshme. Përderisa 80% të bizneseve të vogla dështojnë në pesë vitet e para, 75% të bizneseve me format Franchise arrijnë sukses.
Revolucioni me çelës në dorë është aq i sukseshëm sepse fokusohet në ndërtimin e bizneseve që çdokush do të donte t’i blente.
Për shembull, nëse dikush do të donte ta blente biznesin tuaj, pyetja e tyre e parë me siguri do të ishte, A funksionon? Nëse sistemet e biznesit tuaj janë të dizajnuara të funksionojnë në mënyrën më të thjeshtë dhe më efiqiente, çdokush do të mund ta udhëhiqte biznesin, dhe kështu do të ishte joshës për ta blerë.
Në revolucionin me çelës në dorë, ju nuk i shitni vetëm produktet që i bëni vetë tek konsumatorët.Ju po punoni që ta shitni gjithë biznesin, duke përfshirë proceset dhe sistemet deri tek bizneset franchise.
Ray Kroc e filloi revolucionin e tij me çelës në dorë në vitin 1952 ai u bë i fiksuar pas krijimit të një stende hamburgeri që do të prodhonte një hamburger saktësisht të përsëritur për çdo klient.Ai e riingjinjeroi mënyrën se si bëhej hamburger, duke e bërë çdo gjë aq të saktë sa, për shembull, çdo hamburger palosej pothuajse në kohën e njëjtë. Kroc e definoi proceset që çdokush do të mund t’i ndiqte sepse ai e shihte ekskluzivitet Franchise eventual, personin që do ta udhëheqte stendën, si konsumator i tij real.
Kroc më pas e shiti sistemin e bizneseve të McDonald’s si ekskluzivitet, mijëra herë më shumë.
Ideja kyçe 6
Imagjinoni sikur biznesi juaj i vogël një ditë të jetë zingjir kombëtar; tani nderojeni dyqanin e parë.
Pra, si mund të bëni një ekskluzivitet? Gjëja e parë që duhet të bëni është ta ndërtoni një protoptip ekskluziviteti, modelin origjinal të biznesit tuaj që do të replikohet.
Prototipi i ekskluzivitetit tuaj duhet t’iu japë njerëzve vlerë dhe të jetë aq i thjeshtë saqe mund të funksionojnë përmes çdokujt.
Vlera që prototipi juaj ju jep konsumatorëve është çfarëdo që ata e përceptojnë të jetë. Tingëllon hutuese? Ajo çfarë kjo nënkupton është se vlera mund të shihet çdokund: me çmime të arsyeshme, në shërbimin mahnitës tuaj konsumator, konsumatorët tuaj e marrin dhuratën në postë, e kështu me radhë.
Për shembull, vlera e kafenesë së baristës mund të jetë lattet e saj të patëmetë që vijnë me biskota falas.
Më pas, mënyra se si shpërndahet vlera duhet të dizajnohet në një mënyrë që varet nga sistemet, jo nga ekspertët.
Kjo domethënë se ju duhet t’i dizajnoni sistemet tuaja ashtuqë të jenë të thjeshta dhe efiqiente saqë biznesi juaj më nuk do të mbështetet në ju apo në eksperte teknike.
Për shembull, nëse baristja dizajnon një program trajnimi që ja mundëson çdo baristeje në kafen e saj të bëjë latte perfekte, ajo dhe ekspertë të tjerë të lattes nuk do të kenë nevojë t’i bëjnë vetë.
Shtuar kësaj, prototipi i ekskluzivitetit duhet të dokumentojë gjithçka në një manual operacionesh.
Pse?
Nëse nuk e dokumentoni mënyrën se si funksionon biznesi juaj, si do të mundet dikush ta udhëheqë atë pa ju? Prandaj, ju duhet të shkruani çdo proces të vetëm si pjesë të manualit të kompanisë tuaj.
Kafeja e baristes, atëherë, duhet të ketë manual jo vetëm për mënyrën se si të bëjë një latte, por si t’i trajnojë njerëzit të bëjnë latte.
Së fundi, prototipi i ekskluzivitetit gjithashtu duhet të ofrojë shërbim të parashikueshëm, 100 për qind të kohës.
Nëse njerëzit nuk e dinë çfarë lloj të produktit apo shërbimit të pranojnë, ata me siguri nuk do të bëhen konsumatorë të rregulltë. Për shembull, njerëzit që vijnë në kafenenë e baristes, nuk duhet të marrin një kafe latte të shijshme në ditë dhe një të prishur në tjetrën, apo ato nuk do të kthehen më aty asnjëherë.Dhe natyrisht, një biznes franchise nuk do ta udhëheqë një biznes me rezultate të paparashikueshme.
Ideja kyçe 7
Filloni një biznes për ta përmbushur synimin tuaj personal jetësor.
Pse keni filluar një biznes në radhë të parë? Me gjasë, pjesërisht është për shkak se keni dashur diçka me shumë sesa 9 deri në 5 punët në jetën tuaj.Kështu, teksa e themeloni prototipin e ekskluzivitetit tuaj, prioriteti juaj më i madh është të siguroheni që biznesi juaj të ju japë atë që dëshironi!
Hapi më i rëndësishëm në ndërtimin e biznesit tuaj është ta njihni qëllimin tuaj primar, apo se çfarë lloj jete dëshironi të jetoni.
Në fund të fundit, si mund ta dini çfarë lloj biznesi të ndërtoni nëse nuk e dini se çfarë do t’iu ndihmojë të arrini?
Për ta ditur qëllimin tuaj primar, bëjani vetes pyetjet sikurse ‘’Për çfarë më bën më së shumëti?’’’’Si dëshiroj të jetoj?’’’’Sa para dua të kem’’? Dhe ‘’Sa shumë dua të udhëtoj?’’
Pasi ta dini qëllimin tuaj filestar, ju duhet të bëni një objektivë strategjike. Kjo është një listë objektivash që biznesi juaj do të duhet t’i përmbush për t’iu ndihmuar ta arrini qëllimin tuaj fillestar.
Objektiva strategjike është poashtu një mjet për matjen e progresit, zbatimit të planeve dhe franchizimin e biznesit tuaj. Është një listë standardish që çdokush duhet të jetë në gjendje t’i kuptojë.
Ajo duhet të përfshijë projektimet financiare, duke përfshirë sa para prisni të bëni në të ardhurat bruto dhe fitim.
Ajo duhet poashtu ta definojë pse biznesi juaj është një mundësi që ja vlen ta ndiqni, që domethënë që përfshin një mundësi tregu të madhe mjaft sa për t’i përmbushur qëllimet tuaja financiare dhe për ta përmbushur qëllimin tuaj primar.
Dhe ajo duhet poashtu ta definojë se në çfarë lloj biznesi keni hyrë, duke përfshirë përshkrimin e konsumatorit tuaj ideal.
Le të themi se qëllimi kryesor i baristës është të fitojë 500,000 dollarë në vit dhe të udhëtojë për një muaj çdo vit. Kjo do të thotë se objektivi i saj strategjik duhet të shpjegojë se si tre kafenetë e saj do t’i bëjnë secila 167,000 dollarë në vit, si dhe një plan se si ajo mund të mbyllë kafenetë dhe të mbyllë operacionet për një muaj çdo vit.
Ideja kyçe 8
Diagramet organizative janë kyqe për rritjen e biznesit tuaj dhe krijimit të llogaridhënies.
Nëse jeni sikurse shumica e njerëzve, ju e urreni diazjnimin e diagramave organizative. Punë e mërzitshme, apo jo?Por pa një rrugë të qartë që çdokush t’i dijë përgjegjësitë e veta, si do të arrijë sukses biznesi juaj?
Ju duhet një strategji organizative për ta menduar se kush saktë në kompani do ta bëjë atë punë.
Edhe nëse akoma jeni biznes me një person, ju duhet ta planifikoni strategjinë tuaj organizative për ta ditur se si do të rritet biznesi juaj.
Prandaj filloni ta konsideroni se sa punëtorë do t’iu duhen, dhe cfarë pune do të bëjë secili prej tyre.
Prandaj, për çdo pozitë, shkruani një kontratë pozitë që sqaron se kujt i raporton punëtori, çfarë pune duhet të bëhet dhe me çfarë standardesh do të gjykohet puna e një punëtori.
Për shembull, barista e din se kafetë e saja do të kenë nevojë për tre barista dhe një kuzhinjer në secilën, një menagjer që t’i mbikëqyrë ata, një menagjer marketingu, një kontabilist dhe një menagjer gjeneral për t’i mbikëqyrur të gjithë.
Në fillim, baristja do t’i plotësojë të gjitha këto punë. Ajo do ta bëjë kafenë, do ti gatuajë ëmbëlsirat, do të dizajnojë reklama për gazetat lokale dhe do t’i mbajë librat. Por me rritjen e biznesit, ajo do të ketë nevojë ta dijë saktësisht sa njerëz, dhe për cilat pozita duhet të punësojë në mënyrë që biznesi i saj të shkojë me sukses.
Poashtu, baristja do t’i mësojë qasjet më të mira derisa punon në secilën pozitë.Ajo duhet t’i dokumentojë ato në një manual të veqantë për secilën poZitë e të cilat mund të kalohen tek punëtorët e rinjë.
Një tjetër përparësi e strategjisë së qartë organizative është ndërtimi i llogaridhënies.
Çdo punëtor do të jetë përgjegjës për punën që kërkon pozita e tij, gjë që do të qartësohet mirë në manualin e çdo kontrate pozite.
Çdo punëtor poashtu duhet ta nënshkruaje kontratën e pozitës së tij, që tregon se ai pajtohet ta pranojë përgjegjësinë në arritjen e detyrës së caktuar.
Në fund, kur çdo pozitë është mbushur, kur punëtorët t’i përmbushin standardet për pozitat e tyre, biznesi juaj do të jetë në rrugë të mirë drejt arritjes së objektivës së saj strategjike dhe qëllimit tuaj primar.
Ideja kyçe 9
Për t’i menagjuar punëtorët tuaj, mos u mbështetni në njerëz të mëdhenjë mbështetuni në sistemin e menagjimit të njerëzve të mëdhenjë.
A mendoni se sekreti për një strategji të suksesshme menagjimi është gjetja e sa më shumë njerëzve të talentuar që është e mundur? Atëherë jeni gabim!
Sekreti për një strategji të mirë menagjimi është zbatimi i një sistemi menagjimi që i qaset menagjimit të njerëzve tuaj si një mjet marketingu.
Pse një mjet marketing? Epo, mënyra për t’i trajtuar punëtorët tuaj dhe mënyra se si i shtyeni atë të bëjnë punët të kënaqshme do ketë ndikimin më të madh në produktin që pranon konsumatori juaj.
Për shembull, një mënyrë përmes të cilës baristja mund ta menagjojë kuzhinierin e saj do të ishte t’i thoshte atij se duhet të qëndrojë në kuzhinë dhe të gatuajë një sasi të caktuar të ëmbëlsirave dhe tortave çdo ditë.Apo, në mënyrë alternative, ajo do të mund ta vinte në pamje të dyqanit, përballë dhe në qendër, dhe madje ta lë atë vetë t’i zgjedhë përbërësit e tij.Opsioni i fundit me siguri do të rezultonte që kuzhinjeri të bëhej më entuziastë për punën e tij dhe konsumatorët si rrjedhojë do të shijonin ëmbëlsira më të mira.
Por pjesa më e rëndësishme e sistemit tuaj të menagjimit është strategji njerëzish, ku ju siguroheni që njerëzit ta kuptojnë idenë pas punës që e bëjnë.
Nëse punëtorët tuaj e kuptojnë kuptimin e punës që e bëjnë, ata kanë me shumë gjasa të dëshirojnë të punojnë dhe ta ndihmojnë biznesin t’i arrijë qëllimet e tij.
Një përbërës i rëndësishëm i tretë është se punëtorët gjithnjë duhet të testohen kundër standardeve që keni caktuar për secilën positë.
Le të themi se një nga objektivat biznesore të baristas është ta prioritizojë kreativitetin. Kur një bariste e punëson kuzhinjerin e saj, ajo sigurohet që ta lidhë objektivën e kreativitetit me punën e tij. Ajo i tregon atij se kreativiteti personal është shtylla e kafes së saj, prandaj ai duhet t’i kalojë kufinjtë e kreativitetit të tij duke diazajnuar orarin e tortës së çdo jave. Ai do të mbahet kundër standardit të kreativitetit: asnjë orar torteje nuk duhet të jetë i njëjtë në dy javë.
Rezultati? Kuzhinjeri do të nxitet për ta arritur potencialin e tij të gatimit, derisa konsumatorët tuaj do të kenë më shumë zgjedhje torteje!
Ideja kyçe 10
Tjetra, harroni gjithçka dhe mendoni vetëm për konsumatorin.
Çfarë mund të thoni për marketingun? Cila është mënyra më e mirë t’i qaseni strategjisë së marketingut tuaj?
Është e thjeshtë. Fokusimi në konsumator është aq jetik saqë duhet të harroni gjithçka tjetër dhe vetëm të mendoni për konsumatorin.
Së pari, konsideroni demografikat e konsumatorit.
Sa vjeqare janë konsumatorët tuaj?
Ku jetojnë ata?
Pastaj mendoni pse konsumatorët tuaj blejnë? Këto janë psikografikat tuaja.Pse duhet grupi juaj demografik të blejë nga ju e pse jo nga dikush tjetër?
Për shembull, përderisa baristja mund të mos ketë mjaft para për ta përpiluar një raport hulumtues të madh konsumatori, ajo duhet ta pyes secilin konsumator të saj që ta mbush një pyetësor të madh, të shpërblyer me një ëmbëlsirë falas në kafenenë e saj. Për ta njohur më mirë konsumatorin, ajo duhet të bëjë pyetje demografike sikurse mosha dhe adresa, dhe pyetje psikografike, sikurse aktivitetet e kohës së lirë që një konsumator i pëlqen.
Me këtë informacion, baristja mund t’i prezantojë produktet e saj sipas profileve të konsumatorëve të saj, dhe ata kanë më shumë gjasa të blejnë.
Sapo t’i kuptoni konsumatoret tuaj sa më mirë që është e mundur, bëjeni marketingun tuaj sa më tërheqës që është e mundur për ta.
Për shembull, hulumtimi i bërë nga kompania teknologjike IBM gjeti se një hije e caktuar e të kaltrës nënkuptonte varshmëri tek konsumatorët e saj. Më pas siguroi që të gjitha produktet e saj të paketoheshin ose të theksoheshin disi nga ajo që tani njihet si “IBM Blue”.
Në mënyrë që prototipi i eksluzivitetit tuaj të jetë i parashikueshëm tek një franchise i mundshëm, ju duhet t’i shisni vazhdmisht konsumatorët tuaj në mënyrë sa më shkencore që është e mundur. Shkencërisht, në këtë rast, do të thotë sipas të dhënave dhe testeve që zhvilloni.
Kjo domethënë se sapo hulumtimi juaj të tregojë se konsumatorët tuaj janë bërë më të rinjë, apo se qasje e juaj e marketingut duke reklamuar në gazeta nuk është më aq efektive, atëherë ju duhet ta ndryshoni atë. Për shembull, mund ta konsideroni të bleni reklama online për t’i arritur konsumatorët më të rinjë.
Ideja kyçe 11
Në fund, do të përfundoni duke pasur një biznes të përbërë prej sistemeve plotësisht funksionale
Si do të duket biznesi juaj pas planifikimit të gjithë prototipit të ekskluzivitetit tuaj? Do të jetë një seri e ndërvarur komplekse, dhe lehtë e udhëheqshme e të gjitha proceseve dhe sistemeve që e përbëjnë biznesin, nga marketingu tek menagjmenti dhe tek struktura organizative, deri tek qëllimi juaj fillestar.
Kjo për shkak se ju do të keni një strategji sistemi në të cilën gjithçka varet prej njëra-tjetrës, dhe përmes këtyre ndërveprimeve, gjithçka do të zhvillohet dhe do të ndryshojë. Përgjithësisht, strategjitë e sistemeve tuaja do të ndahen në disa kategori.:
Do të keni sisteme të buta, ide dhe gjërat e gjalla në biznesin tuaj, sikurse që jeni vetë!
Dhe do të keni poashtu sisteme informacioni, të cilat do t’ua tregojnë të gjitha të dhënat në biznesin tuaj ashtu që do ta dini çfarë po funksionon, çfarë jo dhe kur është koha për ndryshim.
Për shembull, në kafenenë e baristes, sistemet e vështira do ta përfshijnë makinën e saj të ekspresos; sistemet e buta do të përfshijnë qëndrimet e punëtorit; dhe sistemet e informacionit do të përfshijnë të dhëna mbi atë që konsumatorët do të blejnë saktësisht.
Për të arritur sukses, të gjitha këto sisteme duhet të punojnë së bashku.
Nuk mund të punoni në një pjesë të biznesit pa i konsideruar të gjitha pjesët e tjera.
Në kafenenë e baristes, ajo do të mund ta shkëmbente makinën e ekspresos për një model më të ri, një ndryshim në sistemin e vështirë. Për ta marrë atë vendim, asaj do t’i duhet ta konsiderojë se si do të ndikohen sistemet e tjera. Sistemi i butë do të mund të bëhej kompromis nëse punëtorët do ta donin absolutisht makinën e tanishme, dhe nuk do të donin të mësonin ta përdorni një makinë të re. Pastaj sistemi i informacionit do të duhet ta monitorojë sjelljen konsumatore për tu siguruar që makina e re nuk po bën latte nën nivel dhe nuk po i dëmton shitjet.
Nëse sistemet nuk mund të funksionojnë lehtësisht së bashku, biznesi nuk ka asnjë mundësi!
Ideja kyçe 12
Ky proces i planifikimit dhe zbatimit nuk pushon asnjëherë.
Nëse dëshironi të siguroheni që biznesi juaj është i suksesshëm, asnjëherë nuk mund të pushoni në dafinat tuaja.Ju duhet vazhdimisht të punoni në prototipin tuaj, t’i shkundni sistemet e tij dhe ta konfirmoni që ai po funksionon sa më mirë që është e mundur. Ajo shkundje, testim dhe energji e vazhdueshme quhet procesi i zhvillimit të biznesit.
Hapi i parë në zhvillimin e procesit të zhvillimit të biznesit është inovacioni.
Inovacioni është thjeshtë bërja e gjërave të reja. Çelësi për inovacion të suksesshëm biznesi, sidoqoftë, nuk është inovacioni në produktin tuaj aq shumë sa është në inovacionin e biznesit tuaj.
Bëjani vetes pyetjen ‘’Cila është mënyra më e mirë për ta bërë këtë?
Mos harroni, Ray Kroc nuk shpiku hamburgerët – ai shpizoi mënyrën se si bëheshin dhe shiteshin hamburgerët.
Hapi i dytë në procesin e zhvillimit të biznesit është kuantifikimi.
Kuantifikimi është thjeshtë matja e çdo gjëje. Çdo gjëje të mundshme.
Si mund ta dini çfarë po funksionon e çfarë jo pa e matur ndikimin e inovacionit tuaj?
Për shembull, si do ta dijë barista se sistemi i saj i menagjimit apo i nxitjes së kreativitetit tek kuzhinjeri po funksionon derisa ajo ta masë se sa copa torteje i shet ajo?
Hapi i fundit në procesin e zhvillimit të biznesit është orkestrimi.
Orkestrimi domethënë ta vini inovacionin në praktikë. Do të thotë ta merrni idenë tuaj se si duhet të funksionojë biznesi juaj dhe ta paraqitni atë në mes të punëtorëve dhe konsumatorëve, pastaj të shikoni çfarë ndodh.
Është një proces i vazhdueshëm, bazuar në përpjekjet tuaja për inovacion dhe kuantifikim.
Kjo do të thotë, nëse veshja e një kostum blu rrit shitjet tuaja, vazhdoni të vishni një kostum blu! Por nëse kuantifikimi zbulon se humbja e kostumit dhe veshja e mëngëve të këmishës ndihmon performancën, atëherë kaloni në mëngët e këmishës.
Qëllimi kyç është që inovacioni, kuantifikimi dhe orkestrimi nuk janë domosdoshmërisht kronologjike. Ata nuk ndodhin njëri pas tjetrit, por të gjithë së bashku, tërë kohën.
Procesi i zhvillimit të biznesit nuk përfundon kurrë, sepse biznesi juaj vazhdimisht do të krijojë inovacione të reja, do t’i orkestrojë ato në jetën reale dhe do t’i masë rezultatet.Është një proces që do ta shpie biznesin tuaj të vogël drejt suksesit.
Përmbledhja Finale
Mesazhi kyç në këtë libër:
Shumica e bizneseve të vogla dështojnë, por nëse që nga dita e parë e ndërtoni biznesin tuaj si prototip ekskluziviteti ashtuqë askush mos t’i marrë frerët e tyre, gjasat janë që suksesi të rritet në mënyrë dramatike.
Këshillë vepruese:
Definojeni qëllimin tuaj primar.
Para se ta filloni biznesin tuaj, pyeteni veten, Çfarë lloj jete dua të jetoj? Sa para dua të bëj, dhe sa dua të punoj? Këto janë pyetje kyçe për të cilat ju duhen përgjigje para se të filloni, ngase duhet ta ndërtoni biznesin tuaj në një mënyrë që ju ndihmon t’i arrini qëllimet tuaja.
