5.8 C
Pristina
spot_img

Si të punoni nga shtëpia dhe njëkohësisht të kujdeseni për foshnjën ose vogëlushin tuaj

Date:

Share:

Nëse jeni duke punuar nga shtëpia, mund të pyesni veten se si mund t’i argëtoni fëmijët tuaj ndërkohë që të jeni vetë produktive ??

Është e mundur të punoni nga shtëpia ndërsa kujdeseni për të vegjlit tuaj, por ju duhet patjetër të krijoni orar të përafërt dhe të planifikoni disa aktivitete argëtuese në ambiente të mbyllura paraprakisht, në mënyrë që të keni në dorë pajisjet që ju nevojiten.

Kujdesi për një bebe (ose vogëlush/e) nën 36 muaj do të thotë gjithashtu që ju do të kryeni pjesën më të madhe të punës suaj në hapa të shkurtër dhe te vrullshëm, kështu që do t’ju duhet të jepni përparësi duke pasur parasysh këtë.

Për t’ju ndihmuar të përballoni të dyja përgjegjësitë, ne kemi mbledhur disa këshilla të shkëlqyera për të punuar nga shtëpia ndërsa kujdeseni për fëmijët tuaj. Ndonjëherë mund të ndiheni të dërrmuar, por do t’ja dilni mbanë!

 

Si të qëndroni produktive ndërsa punoni nga shtëpia

Këtu janë disa këshilla për të punuar nga shtëpia me një bebe ose vogëlush/e nën 3 vjeç:

Punoni ndërsa fëmija juaj fle. Përfitoni nga dremitjet e fëmijëve tuaj për të përballuar punet/detyrat më urgjente. Nëse fëmijët tuaj kanë rutinë gjumi mjaft të parashikueshme, ju mund të jeni në gjendje të mbyllni telefonatat e rëndësishme ose të përqendroheni intensivisht në një projekt kur ata jane në gjumë. Të punosh para se të zgjohen ose pasi të flenë është një ide tjetër e mirë, veçanërisht nëse puna juaj e lejon këtë lloj fleksibiliteti.

Ndani ngarkesën. Nëse ju dhe bashkëshorti juaj jeni në shtëpi, mund ta merrni me radhë njëri prej jush duke ushqyer ose duke luajtur me fëmijët tuaj, ndërsa tjetri të ketë mundësinë të punojë. Duke bërë “ndërrime”, ju të dy mund t’i kryeni gjërat ndërsa të vegjlit tuaj janë të rehatuar .

Planifikoni ditën dhe javën tuaj sa më mirë që mundeni. Planifikoni se kur do të zgjoheni dhe çfarë do të bëni çdo ditë. Të kesh një plan dhe një listë detyrash do t’ju ndihmojë të përqendroheni në gjërat më kritike përballë shpërqendrimeve.

Punoni kur ushqeni me gji ose pomponi qumësht. Nëse pomponi qumështin e gjirit, mund të dëshironi të përdorni një pompë gjiri pa duar në mënyrë që të mund të vazhdoni me punën ose një telefonatë. Nëse e ushqeni fëmijën tuaj me gji, mund të jeni në gjendje të merrni telefonata ose të lexoni raporte ashtu siç bëni.

Punoni kur fëmijët tuaj luajnë. Ju mund të jeni në gjendje të kryeni punë të shkurtra ndërsa fëmijët tuaj janë të zënë. Nëse është e mundur, lloji i punës që punoni kur fëmijët tuaj janë zgjuar dhe ne aktivitet duhet të jetë lloji që mund të ndërpritet, pasi të vegjlit tuaj ka shume mundësi të përpiqen të tërheqin vëmendjen tuaj.

Përfitoni nga fundjavat. Për shembull, mund të dëshironi të gatuani të shtunave ose të dielave në mënyrë që të keni drekë dhe ushqime të gatshme për javën në vazhdim. Një tjetër zgjedhje e mirë për fundjavën është të hulumtoni disa aktivitete të brendshme për fëmijën ose vogëlushin tuaj në mënyrë që të mos ngecni në mes të javës.

Hiqni shpërqendrimet e tjera. Tashmë keni mjaftë shpërqëndrime me të voglin tuaj. Nëse mundeni, hiqni “humbësit e kohës” tjerë si rrjetet sociale. Ka aplikacione që mund të përdorni të bllokojnë aksesin tuaj në mediat sociale gjatë orarit të punës, për shembull. Mund të ndihmojë gjithashtu të planifikoni gjysmë ore çdo ditë për punët e shtëpisë, në mënyrë që të mos ngriheni vazhdimisht dhe t’i lini gjërat mënjanë.

Jini realiste. Mund t’ju duhet të jeni më fleksibël në mënyrën se si punoni dhe më kreativ në mënyrën se si i përdorni orët që keni në dispozicion. Mos e mundo veten nëse nuk mund të bësh gjithçka, ose nuk mund të bësh gjithçka në mënyrë perfekte – askush nuk mundet ! Një objektiv më i arsyeshëm për një nënë që punon është të jetë efikase dhe produktive, gjë që mund ta bëni duke provuar disa nga këshillat në këtë artikull.

Ndani kohë për veten tuaj, nëse mundeni. Është e natyrshme të keni stres të shtepise nëse punoni nga shtëpia për  kohë të gjatë, ndërkohë që kujdeseni edhe për fëmijën tuaj. Nëse mundeni, gjatë gjumit të tyre të ditës ose sapo fëmijët tuaj të flenë, ndani pak kohë për të bërë diçka për veten tuaj, si për shembull, të shikoni një film, të bëni një banjë relaksuese ose të bëni disa ushtrime.

Lexoni këshilla specifike se si të punoni me një të porsalindur, ose vogëlush në shtëpi.

Puna në shtëpi me të porsalindurin tuaj
I porsalinduri juaj ka të ngjarë të flejë tre deri në katër orë gjatë gjithë ditës, kështu që ju mund të keni kohe mjaftueshem për të punuar gjatë periudhave të gjumit të saj/tij gjatë ditës.

Kur punoni, mund ta vendosni të porsalindurin tuaj në kangur për fëmijë, ose shall mbështjellës, në mënyrë që i porsalinduri juaj të kënaqet duke u qenë pranë jush ndërsa i përfundoni gjërat.

Megjithëse është thjesht një shtesë e këndshme, kosh/luhaje levizese mund të jetë e pershtatshme për një prind që punon në shtëpi, pasi mund të zhvendoset lehtësisht për t’u vendosur pranë tavolinës tuaj, duke ju lejuar të qëndroni pranë të porsalindurit tuaj ashtu siç jeni nga puna.

Sigurisht, nëse gjerësia e dyerve tuaja e lejon, ju gjithashtu mund të lëvizni krevatin e fëmijës suaj nga dhoma në dhomë. Mbani në mend se për sigurinë e foshnjës suaj, ajo duhet të flejë vetëm në krevat fëmijësh ose në kosh.

Qëndroni produktiv kur jeni duke punuar nga shtëpia dhe keni fëmijë më të rritur
Meqenëse fëmiu yt do të dëshirojë të jetë pranë jush, dhe ju do të dëshironi ta mbani atë në vëzhgim, vendosni disa lodra ose një qendër aktiviteti në tapet lojërash ose në kënd lojërash që e vendosni pikërisht pranë jush. Në këtë mënyrë ju mund të jeni në gjendje të perforconi disa punë ndërsa i vogli juaj luan pranë jush.

Nëse foshnja juaj i pëlqen dhe ju keni një të tillë, ajo gjithashtu mund të kalojë periudha të shkurtra në luhaje për fëmijë,  ose kërcyes. Në këtë mënyrë, ju keni pak qetësi dhe rehati për të punuar ndërsa fëmija juaj argëtohet.

Lëkundje për bebe
Fëmija juaj ka të ngjarë të ketë dy orare gjumi në ditë – një në mes të mëngjesit dhe një në mes të pasdites – kështu që përfitoni nga këto mundësi për të kryer disa punë.

Punoni nga shtëpia ndërsa kujdeseni për fëmijën tuaj
Të punosh nga shtëpia me një fëmijë të vogël ka të mirat dhe të këqijat e veta. Përparësitë janë se foshnja juaj mund të jetë në gjendje të argëtohet për periudha të shkurtra dhe mund të marrë një ose dy dremitje në ditë, gjatë të cilave ju mund të punoni. Sfida është se kur fëmija juaj është ngritur, dëshiron më shumë vëmendjen tuaj.

Është mirë të mendoni që vogëlushi/ja  të argëtohet për intervale të shkurtra me raste. Mund t’ju duhet të jeni të vendosur t’i thoni atij/asaj se ka lodra për të luajtur dhe se për 30 minutat e ardhshme ajo duhet të luajë në heshtje. Për ta ndihmuar fëmijën tuaj të kuptojë se koha e lojës së pavarur ka një fund në horizont, merrni parasysh vendosjen e një kohëmatës në telefonin tuaj ose në mikrovalë. Sigurojini pasi kohëmatësi të fiket, do të keni mundësi të bëni një pushim dhe të kaloni pak kohë me ta – si për shembull të luani lojën e tyre të preferuar ose të lexoni disa libra. Mos harroni, loja e pavarur dhe aftësia për të përdorur imagjinatën e saj dhe për të shmangur mërzinë është një aftësi e rëndësishme për të mësuar.

Për të ndihmuar në mbështetjen e lojës së saj solo, krijoni një hapësirë ​​të sigurt për fëmijën tuaj ku të luajë. Mund të jetë që të izoloni plotësisht dhomën e ndenjes dhe ta lini vogëlushin tuaj të luajë lirshëm në atë zonë ndërsa punoni afër nga banaku i kuzhinës ose tavolina e dhomës së ngrënies.

Shpërblejeni vogëlushin tuaj që luan bukur dhe nuk ju pengon duke e lavdëruar dhe duke treguar interes për atë që kishte bërë.

Një tjetër mundësi është ta vendosni fëmijën tuaj në “vendin e punës” të tij në skajin tjetër të tabelës për ju. Ajo mund të jetë e zënë duke “punuar” në një vizatim, ndërsa ju jeni të zënë me shkrimin e e-maileve, për shembull. Ju mund t’i thoni asaj se ajo është një fëmijë i madh tani dhe se të dy do të punoni për 30 minuta përpara se të bëni një pushim së bashku.

Përktheu: EKONOMIAISLAME

Burimi : https://www.pampers.com/en-us/baby/activities/article/working-from-home-with-baby

Abonohuni

━ artikuj të ngjashëm

spot_img