“Ne ishim shumë të kënaqur me programin konkret të propozuar nga BE-ja, veçanërisht në lidhje me lehtësimin e proceseve të vizave për biznesmenët tanë”, tha Bolat, duke iu referuar një problemi shqetësues për shumë qytetarë turq në muajt e fundit
Ministri i Tregtisë i Türkiyes, Ömer Bolat dhe komisioneri i Bashkimit Evropian (BE) për fqinjësi dhe zgjerim, Oliver Varhelyi, kanë diskutuar për përditësimin e Unionit Doganor, projektet e përbashkëta të Türkiyes me unionin, veçanërisht në transferimin e gjelbër dhe bashkëpunimin me BE-në për financat, transmeton Anadolu.
Pasi bisedoi me komisionerin Varhelyi, Bolat në rrjetet sociale njoftoi se gjatë takimit është rikonfirmuar “angazhimi për vazhdimin e fortë të agjendës pozitive midis Türkiyes dhe BE-së”.
“Ne ishim shumë të kënaqur me programin konkret të propozuar nga BE-ja, veçanërisht në lidhje me lehtësimin e proceseve të vizave për biznesmenët tanë”, tha Bolat, duke iu referuar një problemi shqetësues për shumë qytetarë turq në muajt e fundit.
Ai njoftoi se puna në nivel teknik për lidhjet me bllokun evropian do të fillojë në muajin tetor gjatë takimeve të Grupit të Punës për Tregtinë.
“Ne do të përmirësojmë bashkëpunimin tregtar dhe ekonomik midis Türkiyes dhe BE-së, partnerit tonë më të madh tregtar, përmes hapave të ndërsjellë”, tha ai.
Zyrtarët turq kanë argumentuar prej kohësh se Unioni Doganor me BE-në, i arritur në vitin 1995, është vonuar për një përditësim, një lëvizje nga e cila do të përfitojnë të dy palët.
