Kryetari i Prishtinës, Përparim Rama ka njoftuar për një ndryshim në transportin publik.
Rama tha se kanë inkuadruar në Google Maps linjat e autobusëve të “Trafikut Urban”. Kështu tani mund t’i gjeni oraret dhe ndalesat e fundit të transportit publik në Prishtinë.
Njoftimi i plotë:
Një tjetër ndryshim pozitiv në transportin publik!
Jam i lumtur të ndaj me ju një arritje të re e cila do të përmirësojë përvojën tuaj me transportin publik.
Kemi inkuadruar në Google Maps, mundësinë që si mjet udhëtimi të përdorni transportin publik për të shkuar në destinacionin e kërkuar.
Pra, në Google Maps janë përfshirë linjat e autobusëve të Trafiku Urban Prishtinë.
Kjo do t’ju ndihmojë të:
- Gjeni oraret dhe ndalesat e fundit të transportit publik në Kryeqytet.
- Planifikoni udhëtimet tuaja duke përdorur transportin publik.
- Mësoni se cila linjë e autobusit është më afër ardhjes dhe më e shpejtë për destinacionin që do të shkoni.
- Kuptoni se sa minuta bëni për të shkuar në këmbë, sa me transport publik deri në destinacionin tuaj.
Bashkohuni në rrugëtimin tonë drejt një transporti publik më efikas, më të qëndrueshëm dhe më të lehtë për të gjithë qytetarët!
