Fiskalizimi është proces i rëndësishëm për autoritetin tatimor, pasi ndihmon në monitorimin e hyrjeve dhe daljeve të bizneseve për ekonominë e vendi.
Ky proces funksionon si një filter i rëndësishëm për të zvogëluar shmangien tatimore dhe për të siguruar që të gjitha transaksionet të regjistrohen dhe deklarohen në mënyrë korrekte.
Duke pas parasysh që fiskalizimi është proces permanent, ATK rikujton me disa mënyra se si fiskalizimi ndihmon autoritetin tatimor:
- Regjistrimi i Transaksioneve: Fiskalizimi kërkon që të gjitha transaksionet të regjistrohen në mënyrë elektronike përmes sistemeve tatimore. Ky proces përfshin ndarjen e çdo transaksioni në të hyra dhe dalje, duke ndihmuar ATK-në të ndjekë të ardhurat dhe shpenzimet e biznesit.
- Parandalimi i Evazionit Tatimor: Fiskalizimi bën që të jetë më e vështirë për bizneset të shmangin tatimin duke fshehur të ardhurat e tyre. Përmes monitorimit të transaksioneve, autoriteti tatimor mund të zbulojë mungesat në raportimet dhe të ndërmarrë veprime ligjore kundër shmangies tatimore
- Rritja e Transparencës: Ky proces ndihmon në rritjen e transparencës në ekonomi, pasi të gjitha transaksionet janë të regjistruara dhe të qasshme për ATK-në. Kjo ul mundësinë e praktikave të paligjshme dhe rrit integritetin e sistemit tatimor.
- Mbështetja e Buxhetit Publik: Me të dhënat e sakta tatimore nga fiskalizimi, autoriteti tatimor mund të sigurojë të ardhurat e nevojshme për buxhetin publik. Kjo është e rëndësishme për financimin e shërbimeve publike, si shëndetësia dhe arsimi.
Le të sensibilizojmë bizneset për rëndësinë e fiskalizimit dhe të jemi partnerë të përgjegjshëm në këtë përpjekje të përbashkët për të ndihmuar shoqërinë tonë.
