Pesë institute ekonomike po parashikojnë që Prodhimi Brendshëm Bruto (PBB) në Gjermani do të tkurret me 0.6 për qind në vitin 2023.
Rritja prej 0.3 për qind ishte parashikuar nga këto institute.
“Arsyeja më e rëndësishme për këtë rishikim është se industria dhe konsumi privat po shërohen më ngadalë sesa prisnim në pranverë”, tha kreu i Departamentit të Makroekonomisë në Institutin Halle për Kërkime Ekonomike (IWH), Oliver Holtemoeller.
Ndjenja e të bërit biznes është përkeqësuar kohëve të fundit dhe treguesit sugjerojnë që PBB-ja ra dukshëm në tremujorin e tretë të vitit 2023.
PBB-ja pritet të zvogëlohet me 0.4 për qind në tremujorin e tretë, pas ngecjes në tremujorin e dytë. Sidoqoftë, rritjet e pagave kanë ndjekur rritjet e çmimeve. Në tremujorin e fundit të 2023-së, rritja parashikohet të rritet me 0.2 për qind.
Për vitin 2024, institutet – katër gjermanë dhe një austriake – parashikojnë rritjen e PBB-së prej 1.3 për qind nga 1.5 për qind që ishte më parë. Për vitin 2025, parashikohet një zgjerim i PBB-së me 1.5 për qind.
Inflacioni pritet të jetë 6.1 për qind dhe të zbres në 2.6 për qind për vitin e ardhshëm. Vitin e kaluar, shkalla e inflacionit ishte 6.9 për qind. Në vitin 2025, inflacioni në Gjermani pritet të bjerë në 1.9 për qind.
