Ministria e Ekonomisë ka filluar procesimin e pagesave për përfituesit e parë të thirrjes për subvencionimin e pajisjeve efiçiente shtëpiake.
Në thirrjen për subvencionimin e pajisjeve efiçiente shtëpiake, kanë aplikuar 4858 qytetarë, ndërsa pagesa e parë për 455 aplikues është ekzekutuar.
Komisioni për shqyrtimin dhe verifikimin e dokumenteve ka filluar punën nga data 21.08.2023, bazuar në vendimin me nr. 2722 dhe do të vazhdojë punën deri në përfundim të procesit.
Po ashtu, Ministria e Ekonomisë më 22.09.2023 ka shpallur thirrjen për subvencionimin e pajisjeve efiçiente për ngrohje.
