Të kuptosh risitë dhe përplasjet strategjike është thelbësore për qasjen ndaj revolucionit të inteligjencës artificiale
Çdo ditë, një model i ri ekonomik inovativ zhvillohet para syve tanë, krejtësisht i ndryshëm nga modeli tradicional i biznesit: në thelb të tij është digjitalizimi i çdo aspekti të jetës shoqërore dhe ekonomike të individëve, kompanive dhe shfrytëzimi i fuqisë, rrjeteve të përmirësimit të shpërndarjes së produkteve dhe shërbimeve falë përdorimit të inteligjencës artificiale, të të dhënave të mëdha dhe algoritmeve gjithnjë e më komplekse dhe precize.
Për të kapur mundësitë e biznesit të kësaj epoke reale të ekonomisë botërore, duhet të mësojmë të njohim dinamikën e saj, t’i bëjmë tonat dhe të mbajmë shënim faktin se rrjetet digjitale dhe inteligjenca artificiale po transformojnë biznesin dhe shoqërinë, duke afruar botën analoge me atë digjitale derisa ato të bëhen e njëjta gjë.
Përdorimi i inteligjencës artificiale në një botë shumë të digjitalizuar nuk është një prirje për t’u injoruar, por një sinjal që duhet kapur në mënyrë që të përgatitemi për ndryshim, veçanërisht në funksion të ndikimit të fortë që do të ketë në konkurrencën midis kompanive. Kur kompanitë me një bazë të fortë digjitale hyjnë në treg dhe konkurrojnë me kompanitë tradicionale, kemi një përplasje strategjike. Kompanitë e tregut të vjetër, të mësuara me dekada suksesesh të marra duke përdorur strategji klasike operacionale, nuk e njohin rrezikun që paraqesin strategjitë e reja digjitale të cilat përshtaten në konkurrencë.
Strategji të reja që, posa të arrihet niveli i të dhënave dhe teknologjive të nevojshme për të vënë në punë makinën e inteligjencës artificiale, nxisin një rritje eksponenciale, duke vënë në rrezik punën dhe ekzistencën e ndërmarrjeve tradicionale. Ekzistojnë shembuj të panumërt të gjigantëve të tregut global që vitet e fundit janë zhdukur sepse nuk kanë ditur të kapin mesazhin e revolucionit digjital. Mjafton të kujtojmë shembujt e Kodak apo Nokia.
Sidoqoftë, rezistenca dhe konkurrimi në një sistem të bazuar në inteligjencën artificiale është e mundur, për sa kohë që jeni gati të përqafoni transformimin rrënjësor që ajo kërkon. Një shembull është Microsoft, i cili ka vendosur të rishpikë vetveten, duke u përqëndruar në mjetin Azure dhe inteligjencën artificiale për të transformuar vetveten në një ofrues të shërbimit cloud. Nga ana tjetër ka kompani që janë bija të digjitalizimit, prodhime të kësaj epoke të re ekonomike, të tilla si Uber, Airbnb ose WeChat, të cilat si të tilla tashmë kanë të gjitha mjetet e duhura për konkurrencë.
Të gjitha këto realitete, qofshin ato ish kompani tradicionale apo kompani të lindura nga mundësitë e krijuara nga tregu digjital, kanë një element të përbashkët: një qasje të re biznesi, bazuar në fuqinë digjitale të shkallës së tyre, fushës dhe mësimit, e cila u jep atyre një rritje eksponenciale dhe pothuajse të pandalshme falë përdorimit të të dhënave, algoritmeve dhe inteligjencave artificiale, duke i bërë ato në të njëjtën kohë jashtëzakonisht të përshkallëzueshme dhe të përshtatshme për zgjerim nëpër fusha të shumta.
Sot është më e rëndësishme se kurrë t’i njohësh të gjitha këto dinamika në mënyrë që të përgatitesh. Biznesi i radhës së cilit mund t’i duhet të adaptojë dhe zbatojë inteligjencën artificiale dhe sistemet virtuale mund të jemi ne.
