Roma është emëruar qyteti më i keq në Evropë për të fjetur për shkak të niveleve të larta të ndotjes nga drita dhe duke qenë qyteti i dytë më i ndotur nga zhurma në kontinent. Bukureshti është kryeqyteti i dytë më i keq për një gjumë të mirë gjatë natës për shkak të niveleve të larta të dritës së diellit dhe ndotjes nga drita, si dhe 33 për qind e popullsisë preket nga zhurmat gjatë natës. Londra ka ndotjen më të keqe nga dritat, megjithatë ajo renditet e treta për nivelet e ulëta të zhurmës dhe më shumë se 74 për qind e popullsisë flenë në mënyrë optimale.
Madridi ka numrin mesatar më të ulët të ditëve me re, që do të thotë se rrezet e diellit prishin gjumin e banorëve, duke e lënë kryeqytetin spanjoll në vendin e 10-të të dobët të indeksit. Vetëm tre qytete kanë më pak se 20 për qind të popullsisë që shqetësohet nga zhurmat e rrugëve gjatë natës, domethënë Londra, Berlini dhe Zagrebi. Qyteti me nivelet më të këqija të ndotjes akustike nga trafiku rrugor është Parisi, me 54 për qind të banorëve që kanë një gjumë të keq gjatë natës për shkak të shqetësimit. Kjo do të thotë se kryeqyteti francez është kryeqyteti i katërt më i keq në Evropë për të fjetur.
Nic Shacklock nga Online-Bedrooms tha: “Të bësh një gjumë të mirë gjatë natës është jashtëzakonisht e rëndësishme, por Indeksi Evropian i Gjumit na ka treguar se kjo ndonjëherë është e pamundur për banorët dhe turistët. Qyteti ku jetoni dhe vizitoni gjatë pushimeve mund të ketë një ndikim të madh në modelet tuaja të gjumit dhe hulumtimi ynë ka treguar se në të gjithë Evropën, ndotja nga drita, ndërhyrja e dritës së diellit, zhurma dhe nivelet e ulëta të gjumit optimal, të gjitha kontribuojnë në gjumin e dobët. Në përgjithësi, Berlini është qyteti më i mirë në Evropë për të fjetur me nivele të ulëta të ndotjes së zhurmës së veturave gjatë natës dhe mbi 80 për qind ditëve me re për të parandaluar që rrezet e diellit të shqetësojnë gjumin. Roma renditet si qyteti me gjumin më të keq në kontinent, sepse nivelet e ndotjes nga dritat dhe zhurma janë të larta dhe numri i banorëve që bëjnë gjumë optimal është i ulët.
