Fuqia dhe veçantia e Patagonia-s qëndron në qartësinë e vlerave të saj, të vendosura në bazën e të gjithë procesit të prodhimit dhe pastaj të përkthyera në veprime praktike.
Filozofia Patagonia rrjedh nga vlerat e Chouinard dhe përshkon çdo aspekt të prodhimit.
Dizajni i konceptuar nga pikëpamja e qëndrueshmërisë, projekton rroba që nuk dalin nga moda, që janë rezistente, që mund të riparohen (Patagonia u siguron klientëve një riparim).
Lëndët e para janë zgjedhur në bazë të kritereve shumë të gjera të qëndrueshmërisë.
Mendojmë për kafshët, bimët, por edhe për komunitetet që jetojnë në zonat e prodhimit, në mënyrë që të vazhdojmë një zhvillim të qëndrueshëm të të lashtave dhe blegtorisë, por edhe një rritje të mirëqenies së punëtorëve.
Rritja e ndërmarrjes e bën menaxhimin e kohës së njerëzve më komplekse, por projekti i pajtimit të jetës private dhe profesionale vazhdon dhe krijohen jo vetëm çerdhe të brendshme, por gjithashtu u jepen leje prindërve të rinj.
Një nga pyetjet kryesore “a është e lehtë për tu mirëmbajtur dhe pastruar? “.
Studimi i ndikimit në mjedis të ciklit jetësor të një veshje (prodhimi i rrobave, ngjyrosja, shpërndarja, mirëmbajtja dhe asgjësimi) rezulton se një nga faktorët më të dëmshëm për mjedisin është pikërisht mirëmbajtja pas shitjes.
Mund te jetë deri në katër herë më shumë ndikuese në mjedis sesa i gjithë procesi i prodhimit. Për më tepër, duhet marrë parasysh se çfarë lloji konsumatori i përdor ato, cila është mënyra e tyre e jetesës.
Këto nuk janë pantallona që vishen për të shkuar në zyrë, por për të përjetuar aventura të mëdha në mjedise “të vështira”.
Për këtë ju duhen rroba që nuk hekurosen, që mund të lahen në një kovë dhe të varen të thahen në një kasolle dhe që arrijnë të mbajnë një pamje të mirë edhe për udhëtimin e kthimit me aeroplan.
Kur bëhet fjalë për hapjen e një dyqani, një kompani që ka filluar me shitjet e porosive me postë duhet të ketë parasysh shumë elementë.
Parimi udhëzues është që të mos ndërtohet kurrë një ndërtesë e re, përveçse nëse rastet kur është tejet e domosdoshme. Përkundrazi mund të përpiqesh të shpëtosh një ndërtesë historike.
Kur krijohet një dyqan, përdoren materiale të ricikluara ose të riciklueshme dhe projektohet ambjenti në mënyrë që gjithçka të mund të mirëmbahet lehtë.
Natyrisht, zgjedhja nuk ndryshon kur bëhet fjalë për sektorin financiar.
Patagonia është një korporatë përfitimesh dhe nëse duhet të shitet ndonjëherë, vlerat dhe parimet e saj udhëzuese të kodifikuara nga statuti nuk mund të ndryshohen nga bordi i drejtorëve përveçse në mënyrë unanime.
Misioni i korporatës së Patagonia-s nuk flet për fitimet, por përcakton masën e rezultateve me “sa mirë arritëm të bëjmë në vit”. Fitimi vjen kur gjithçka tjetër është bërë mirë.
