Kalimi nga “i vjetër” në “i ri” ndoshta do të marrë kohë dhe disa punëtorë do të përfundojnë të papunë dhe pa aftësitë e nevojshme për të gjetur një punë të re. Si mund t’u ndihmojnë supermindët? Teknologjitë e reja, të cilat mund të aksesohen nga kudo, mundësojnë trajnime më të specializuara në krahasim me sistemet tradicionale të arsimit.
Këto kurse do të duhet të financohen, pasi jo të gjithë punëtorët do të mund të paguajnë për trajnimin e tyre.
Më poshtë janë zgjidhjet për këtë problem:
- investitorët, të cilët mund të financojnë trajnimin e tyre në këmbim të 5% të pagës së punëtorëve gjatë pesë viteve të para të punësimit;
- shoqatat e punonjësve që mund të trajnojnë anëtarët e tyre dhe të garantojnë pagën minimale në kohë papunësie, në këmbim të një përqindje të pagës së tyre.
Një rol tjetër kyç luajnë qeveritë, të cilat kanë në dispozicion disa instrumente, për shembull:
- stimuj tatimorë;
- programet e trajnimit;
- rishpërndarja e të ardhurave.
Si mund ta mbrojmë veten nëse një supermind do të bëhej i rrezikshëm? Ka të paktën tre gjëra që ne mund dhe duhet të bëjmë, përpara se të ndodhë kjo (si masë parandaluese):
- përcaktimi i përgjegjësisë ligjore për sistemet e automatizuara;
- të barazojnë masat e mbrojtjes kundër sulmeve të sistemit të automatizuar ndërkombëtar me ato të përdorura kundër krimeve të luftës;
- planifikimi i mekanizmave me të cilat njeriu mund të mbizotërojë mbi sistemet e automatizuara;
