Duke qenë se taksa për një ton karbon aktualisht është 82,90 euro, çmimi mesatar i një makine të re pritet të rritet me 580,30 euro.
Prodhuesit tashmë duhet të blejnë të drejtën për të emetuar dioksid karboni (ETS) në mënyrë që të mund të importojnë atë që u nevojitet për prodhim. Taksa e re kufitare për karbonin në Bashkimin Evropian do të bëjë që çmimi mesatar i një makine të re të rritet me gati 600 euro, thotë vlerësimi i firmës amerikane Boston Consulting Group.
Mekanizmi i Rregullimit të Kufirit të Karbonit të Unionit (CBAM) detyron importuesit që nuk janë nga BE-ja t’i paguajnë atij një taksë për karbonin që emetojnë gjatë prodhimit, si çeliku dhe çimentoja.
Boston Consulting Group tregoi se makina mesatare me katër dyer përmban shtatë tonë dioksid karboni (CO2), nga të cilat pak më pak se gjysma lidhet me çelikun dhe aluminin e përdorur për prodhimin e makinës.
Duke qenë se taksa për një ton karbon aktualisht është 82,90 euro, çmimi mesatar i një makine të re pritet të rritet me 580,30 euro. Prodhuesit tashmë duhet të blejnë të drejtën për të emetuar dioksid karboni (ETS) në mënyrë që të mund të importojnë atë që u nevojitet për prodhim.
Në fund të gushtit, Polonia njoftoi se do të kundërshtonte CBAM-në përpara Gjykatës Evropiane të Drejtësisë. Ata pretendojnë se futja e CBAM-së kërkon mbështetje unanime, jo një shumicë të kualifikuar në BE.
Ministrja polake e Klimës Anna Moskwa vuri në dukje se CBAM-ja mund të rezultojë në një rritje të pabarabartë të kostove të energjisë në gjithë BE-në dhe se kjo është në kundërshtim me parimin e solidaritetit energjetik.
