Qeveria e Kosovës në mbledhjen e saj të fundit ka marr vendim që t’i ndajë 6 milionë euro shtesë për projektin e ndërtimit të rrugës Prishtinë-Podujevë.
Kryeministri Albin Kurti në arsyetimin e këtij vendimi ka thënë se Ministria e Infrastrukturës po vazhdon punimet në këtë rrugë.
“Ministria përgjegjëse për Infrastrukturë është angazhuar që punimet të vazhdojnë me intensitet të lartë. Andaj, duke e konsideruar dinamikën aktuale të punimeve sjellim para jush për aprovim ndarjen e mjeteve shtesë për këtë rrugë”, ka thënë Kurti. /
