Nëse ndiheni të rraskapitur pas një jave të vështirë në punë, nuk jeni vetëm. Burnout është një realitet i trishtuar i kohës sonë, pasi prek një pjesë të madhe të fuqisë punëtore në mënyrë të zhdrejtë.
Sipas Raportit Special të Anatomisë së Punës të publikuar në Asana, i cili studioi të dhëna nga 10,000 punëtorë në shtatë vende, 70% e të anketuarve përjetuan burnout vitin e kaluar.
Ky problem preku njerëzit e të gjitha grupmoshave dhe përshkrimet e punës. Pra, si mund ta kapërcejmë këtë problem? Gjëja e parë, që duhet të bëni, është të njihni dhe të parandaloni burnout.
Studimi zbulon se mënyra më e lehtë për ta bërë këtë, është duke u shkëputur nga faktorët që shkaktojnë stres në punë. Shmangia aktive e çdo lloj aktiviteti, që lidhet me punën kur nuk jeni në punë, është mënyra e vetme për të marrë një pushimin që na nevojitet
Ekipi i studiuesve vuri në dukje se mirëqenia dhe niveli i energjisë i njerëzve, që punonin gjatë fundjavave, u ndikua negativisht.
Si të njohësh dhe të punosh për zgjidhjen e problemit
Nëse jeni të lodhur duke u ndier vazhdimisht i lodhur, kur është koha për të shkuar në shtëpi, lëreni punën dhe problemet e saj në zyrë. Gjëja e parë, që duhet të bëni, është të vlerësoni nëse problemi është ngarkesa juaj e punës, natyra e punës ose një faktor i jashtëm.
Të hiqni dorë nga një punë që e urreni, është më mirë sesa të përpiqeni vazhdimisht të mbani ritmin e kërkesave të saj. Nëse nuk mund ta lini punën, jini të vetëdijshëm për nevojat tuaja dhe vendosni kufij për veten. Disa punë mund të duken të lodhshme dhe jo tërheqëse. Mundohuni të përqendroheni në aspektet pozitive të punës që ju pëlqejnë, të tilla si bashkëpunëtorët e mirë ose përfitimet financiare.
Kërkoni lumturinë në aspekte të tjera të jetës suaj, të tilla si të kaloni kohë me familjen dhe miqtë ose të kryeni aktivitete argëtuese. Sa më lehtë të jetë shkëputja nga puna, aq më i madh ka të ngjarë të jetë ndikimi pozitiv në mirëqenie.
Këshilla për t’u shkëputur nga puna
Duhet të jeni të vetëdijshëm se sa kohë shpenzoni duke punuar, ose duke bërë aktivitete të lidhura me punën në orët pas përfundimit të punës.
Kryeni aktivitete që ju mbajnë larg kërkesave të punës, pa u ndier në faj se nuk po punoni. Ose fikni telefonin ose mos hapni emailin e punës. Disa aktivitete, që mund t’i ndiqni lehtësisht për t’u shkëputur dhe për t’u kthyer në rrugën e mposhtjes së burnout, përfshijnë shëtitjen ose vrapimin, shëtitjen në natyrë ose pushime në plazh.
Çelësi është të shkëputeni plotësisht nga kërkesat e punës. Leximi është një mënyrë e shkëlqyer për t’u shkëputur nga puna – por mos lexoni një libër biznesi, në mënyrë që mendja juaj të pushojë. Kur bëhet fjalë për socializimin, sigurohuni që të kaloni kohë me njerëz, që nuk punojnë me ju. Kërkoni në mënyrë aktive miqësi të reja, nëse të gjithë miqtë tuaj janë aktualisht nga vendi i punës. / Glam
