Nga viti 2035, shitja e veturave ekskluzivisht elektrike duhet të lejohet në BE. Në Norvegji, qeveria është shumë më e rreptë dhe nga viti 2025 do të shiten vetëm vetura me emetim zero.
Volkswagen po shkon një hap përpara dhe do t’i japë fund shitjes së modeleve me motorë benzinë dhe dizel që në vitin 2024.
Në Norvegji, veturat elektrike tashmë përbëjnë më shumë se 80 për qind të regjistrimeve të reja. Me 12 për qind, Volkswagen ka pjesën e dytë më të madhe të tregut. Vetëm Tesla është përpara prodhuesit të veturave nga Wolfsburg me 21 për qind.
Për sa i përket modeleve të automjeteve, VW është gjithashtu në vendin e dytë me SUV-in e saj elektrik ID.4. Vetëm Tesla Model Y shiti më shumë kopje gjatë shtatorit në Norvegji.
/Motilokal.com
