Sipërmarrësi Shkëlqim Devolli me bashkëpunëtorë ka pritur sot në një takim në hapësirat e fabrikës së Prince Caffe ambasadorin e Turqisë në Kosovë, Sabri Tunç Angili.
Në takim është folur për zhvillimin ekonomik të Kosovës, bashkëpunimin e kompanive kosovare me shtetin turk dhe punën që bëhet në Devolli Corporation me njësitë e veta.
Ambasadori Tunç Angili i ka çmuar lart arritjet e Devolli Corporation. Ai i ka bërë ftesë z. Devolli që ta zgjerojë biznesin tutje në shtetin turk, duke investuar atje.
Afaristi Devolli e ka falënderuar ambasadorin turk për bashkëpunimin dhe mbështetjen e vazhdueshme që Turqia ka dhënë për Kosovën, si në rrafshin politik, ashtu edhe atë ekonomik.
Njësitë e korporatës kosovare Devolli Corporation kanë bashkëpunime në shumë fusha me kompanitë turke, kurse në qytetin e Stambollit tashmë operon edhe Prince Coffee House.
