Blockchain dhe industria financiare
- Transferimi i vlerës midis kompanive dhe vendeve është aktualisht një proces i ngadaltë. Teknologjia blockchain ofron shpejtësi më të madhe të transaksioneve me potencial për transferime të çastit, në kohë reale.
- Teknologjia Blockchain mund të zëvendësojë shtresat e vërtetimit me transparencën e transaksionit.
- Shumë banka, banka qendrore, qeveri, kompani financiare tashmë po përdorin teknologjinë blockchain ose po e zhvillojnë atë.
- Tregtimi i aksioneve nënkupton transferimin e pronësisë midis njerëzve. Blockchain mund të përdoret për të zëvendësuar ndërmjetësit dhe për të negociuar transaksione me Nasdaq, i cili tashmë është një treg i përbërë nga një rrjet kompjuterik.
- Shumë funksione administrative dhe rregullatore të kryera nga institucionet financiare janë të vjetruara dhe manuale. Këto funksione potencialisht mund të zëvendësohen nga blockchain dhe regjistrat e shpërndarë.
Blockchain dhe industri të tjera përveç financës
Teknologjia Blockchain mund të përdoret për të transferuar dhe regjistruar gjithçka me vlerë. Shumë kompani në industri të ndryshme tashmë janë duke zhvilluar sistemet e tyre të bazuara në blockchain. Ka mundësi të konsiderueshme zhvillimi për Blockchain në fushat e menaxhimit të identitetit dixhital.
Për momentin është e lehtë të vjedhësh identitetin e dikujt ose të sigurosh identitet të rremë në botën dixhitale. Fjalëkalimet janë të pasigurta dhe sistemet e centralizuara janë të prekshme nga sulmet.
Sistemet e identifikimit të bazuara në Blockchain mund të sigurojnë nënshkrime dixhitale të bazuara në kriptografi: unike, të sigurt, të pamundura për t’u kopjuar.
Në të ardhmen, këto sisteme kontrolli të shpërndara mund të përdoren për menaxhimin e të dhënave personale (pasaporta, leje drejtimi, çertifikata lindjeje dhe martese, etj.) për votim dixhital.
Një sektor tjetër që mund të zbatojë teknologjinë Blockchain është kujdesi shëndetësor.
Menaxhimi i të dhënave të pacientëve përmes një sistemi të përbashkët, do t’ju lejojë mjekëve të ndajnë informacionin mbi pacientët në një mënyrë të sigurt dhe të shpejtë, me mundësinë e të paturit nën kontroll të gjithë historinë klinike të një pacienti dhe të jenë në gjendje të ofrojnë trajtim më të mirë dhe më shpejtë.
Sistemet e shpërndara të kontrollit të ofruara nga Blockchain janë të zbatueshme në menaxhimin e pronës intelektuale, në sektorin e magazinimit të të dhënave, në marrjen me qera dhe dhënien me qera të makinave, në marrjen me qera të apartamenteve, në industrinë e udhëtimeve, në programet e besnikërisë, në botën e basteve.
Teknologjia blockchain është më afër realitetit sesa njerëzit mund ta imagjinojnë. Ka të ngjarë të ketë një numër të industrive që zbatojnë këtë teknologji në vitet e ardhshme.
