Një punëtore e një banke ka raportuar se gjatë muajit gusht dhe shtator nga persona të ndryshëm janë deponuar një shumë parash të falsifikuara.
Në raportin 24 orësh të Policisë së Kosovës, bëhet e ditur se rasti ka ndodhur të enjten rreth orës 08:55 në rrugën “Ukshin Hoti”, në Prishtinë.
“Ankuesja femër kosovare, punëtore e një banke, ka raportuar se gjatë muajit gusht dhe shtator, nga persona të ndryshëm janë deponuar një shumë parash, 1 x 50 euro, 256 x 1 euro dhe 130 x 2 euro që dyshohet të jenë të falsifikuara”, thuhet në raport.
Po ashtu sipas raportit, monedhat janë konfiskuar, ndërsa lidhur me rastin është njoftuar prokurori.
