Sipas Yusuf Mehdi, njeriu përgjegjës për biznesin e Windows dhe Surface të Microsoft, një buton Copilot është ndryshimi i parë madhor në një tastierë kompjuteri Windows në të paktën 3 dekada
Microsoft dhe prodhuesit e kompjuterëve Windows do të shtojnë një buton “Copilot” në tastierë për të bërë më të thjeshtë lançimin e asistentit me inteligjencë artificiale të Microsoft, një përpjekje e cila synon dekurajimin e përdorimit të asistentëve të tjerë.
Prodhuesit e kompjuterëve do të zëvendësojnë një prej butonave ekzistues në të djathtë të butonit të hapësirës i cili do të shërbejë si komandë për lançimin e Copilot.
Aktualisht duhet të përdorin shkurtesën Win + C për lançimin e saj. Microsoft po drejtohet nga 2024 me një rimodelim të madh të Windows i cili njihet ndryshe edhe si Windows 12 dhe që ka në fokus inteligjencën artificiale.
Sipas Yusuf Mehdi, njeriu përgjegjës për biznesin e Windows dhe Surface të Microsoft, një buton Copilot është ndryshimi i parë madhor në një tastierë kompjuteri Windows në të paktën 3 dekada.
Por kjo deklaratë nuk është plotësisht e vërtetë ndërsa Microsoft është përpjekur të vendosë një buton edhe për Cortana, diçka që e arriti në bashkëpunim me Toshiba. /PCWorld Albanian
