Një aeroport i ri do t’i shtohet vendit. Pas atij të Kukësit dhe të Vlorës, për të cilin ende po punohet, aeroporti i radhës do të jetë në Gjirokastër.
Lajmin e ka dhënë kryeministri Rama sot ku ka postuar edhe fotot e fushës së Vjetër të aviacionit të këtij qyteti.
“Me këto pamje nga fusha e vjetër ajrore e Gjirokastrës, ku në bazë të studimeve të kryera në zonën Sarandë-Gjirokastër me ndihmën e ekspertizës ndërkombëtare, do të ndërtohet Aeroporti i ri Turistik i Jugut, gara për të cilin pritet të hapet brenda 6 mujorit të parë të këtij viti, ju uroj një ditë të mbarë”, shkruan Rama.
