Ministrja e Ekonomisë, Artane Rizvanolli ka pritur sot në takim ambasadorin e Bashkimit Evropian në Kosovë (BE), Tomáš Szunyog.
Ministrja Rizvanolli dhe Ambasadori Szunyog shpalosën prioritetet dhe bashkëpunimin për vitin 2024 ku fokusi ishte kryesisht në sektorin e energjisë dhe atë të minierave.
Ministrja Rizvanolli falënderoj ambasadorin Szunyog për përkrahjen e vazhdueshme e në veçanti për studimin e lokacioneve me potencial për energji të ripërtëritshme si dhe për pakon emergjente në përkrahje të efiçiencës së energjisë.
Deri më tash, përmes pakos energjetike të BE-së Ministria e Ekonomisë ka përkrahur: 19,355 përfitues familje e biznese mikro, të vogla e të mesme, përmes 8,1 milionë eurove që tashmë janë disbursuar, kurse pjesa tjetër e aplikimeve është në trajtim e sipër.
