Njoftimet e punësimit kanë ndryshuar shumë krahasuar me disa vite më parë. Kjo, pasi tregu i punës ka ndryshuar, lëvizjet demografike janë shtuar dhe profilet e punës kanë marrë një rrjedhë krejt tjetër krahasuar me vetëm 10 vite më parë.
Ne ju sjellim më poshtë disa shenja që duhet të keni parasysh kur shihni njoftimet për punë.
1.Gabimet drejtshkrimore dhe graatikore
Ashtu si punëdhënësit nuk duan të shohin fjalë të shkruara gabim në një rezyme, kandidatët duhet të kenë kujdes nga të njëjtat gabime në një postim pune. Mungesa e vëmendjes ndaj detajeve duket joprofesionale. Kandidatët më të mirë e dinë vlerën e tyre dhe në përgjithësi do të zbrapsen nga këto gabime.
2.Një listë e gjatë e kualifikimeve të punës
Nëse duhet të plotësoni shumë kritere edhe për të futur këmbën në derë, mund të jetë një flamur i kuq. Kjo për shkak se kompania mund të mos e dijë vërtet se çfarë kërkon, që do të thotë se do të jeni gati për dështim. Gjithashtu, mund të nënkuptojë se fushëveprimi i rolit është shumë i gjerë.
3.Nuk përmendet pushimi i paguar
Gjithnjë e më shumë kandidatë i konsiderojnë përfitimet e pushimit me pagesë një faktor të rëndësishëm vendimtar kur zgjedhin një kompani për të punuar. Pra, nuk është për t’u habitur që heqja e këtij informacioni mund të jetë e dëmshme për një punëdhënës.
4.Përmendet puna në fundjavë
Kultura e vendit të punës është gjithçka. Nëse familja është prioriteti juaj numër një dhe njoftimi i punës tashmë përmend punën në fundjavë, është një shenjë alarmi.
5.Shumë raunde intervistash
Konsiderohet e tepërt të ketë më shumë se dy raunde intervistash. Në mënyrë ideale, procesi i intervistës duhet të jetë i organizuar dhe efikas. Kur procesi zvarritet, mund të tregojë se ekipi është i pavendosur ose i shtyrë tepër nga konsensusi.
Një postim pune është një nga takimet tuaja të para me punëdhënësin e mundshëm. Gjëja e fundit që dëshironi të bëni është të pranoni një ofertë punësimi vetëm për të zbuluar më vonë se pozicioni nuk është ai që keni menduar se ishte. Duke mbajtur një sy për këto të dhëna delikate, së shpejti do të gjeni rolin që ju përshtatet.
6.Paga nuk është e specifikuar
Kompensimi është një aspect i rëndësishëm i një pune –Mospërfshirja e pagës është një shenjë aspak e mire. Për shumë kandidatë, mungesa e këtij informacioni nënkupton se ndoshta niveli i pagave është i ulët. Mospërfshirja e pagës dhe përdorimi i shprehjes “fitoni përvojë” gjithashtu mund të sinjalizojë se kompania pret që ju të punoni falas.
7.Kërkesa për përvojë
Një nga pjesët më frustruese të kërkimit të punëve të nivelit fillestar është kërkesa për të pasur disa vite përvojë në një rol të ngjashëm. Të kesh këtë pritshmëri është jashtëzakonisht dekurajuese për të diplomuarit e rinj që përpiqen të fillojnë karrierën e tyre ndërkohë që kanë nevojë të kompensohen për punën e tyre.
