Faza “gjatë” përqendrohet në lead-e
Në këtë fazë duhet të merremi me lead-et, individë që e njohin kompaninë tonë dhe tashmë kanë treguar interes për atë që ne ofrojmë, duke iu përgjigjur mesazhit të marketingut. Së pari ju mblidhni lead-e në një bazë të dhënash, kultivoni interesin e tyre për produktin duke dhënë më shumë informacion dhe më në fund i shndërroni ato në klientë.
Qëllimi është të inkurajojmë lead-et tona të duan produktin tonë dhe të blejnë për herë të parë.
Merrni dhe grumbulloni lead-et në një bazë të dhënash
Marketingu i përgjigjes së drejtpërdrejtë kërkon së pari të gjejë individë të interesuar për produktin, në vend që të bëjë një shitje të menjëhershme.
Sapo lead-et e interesuar t’i përgjigjen mesazhit tonë, mund t’i mbledhim ato në një bazë të dhënash me follow up, në të cilën krijohet një marrëdhënie besimi midis tyre dhe kompanisë.
Shitja është një rezultat i natyrshëm i këtij procesi. Follow up-i është jetik, pa të lead-et nuk do të bëhen kurrë klient.
Shembull: mesatarisht, në çdo kohë të dhënë, 3% e pjesës së tregut të synuar është gati të blejë menjëherë dhe kjo është ajo që synon marketingu masiv, por ekziston një 7% që do të ishte i prirur të blinte dhe një 30% të cilët janë të interesuar por nuk duan të blejnë menjëherë.
Falë një promovimi qëllimi i të cilit është të gjenerojë lead-e, e rrisim tregun me 40% (3% gati menjëherë, plus 7% dhe 30% të cilët do të interesoheshin).
