Dallimi midis “krijuesve të vlerës” dhe “nxjerrësve të vlerës”
Dallimi i parë që duhet të bëjmë është midis atyre që krijojnë vlerë dhe atyre që e nxjerrin atë. Si ndodh që ka një pabarazi të tillë mes të ardhurave të atyre që krijojnë vlerë dhe atyre që shfrytëzojnë tregun, pa krijuar asnjë vlerë? Për t’iu përgjigjur kësaj pyetjeje,ne duhet të kuptojmë saktësisht se çfarë është vlera dhe si gjenerohet.
Vlera mund të përcaktohet në mënyra të ndryshme, por në thelb ka të bëjë me prodhimin e mallrave dhe shërbimeve të reja. Prandaj, të gjithë ata që krijojnë mallra dhe shërbime të reja për t’u vendosur në treg janë “krijues vlerash”. Nga ana tjetër, “heqësit e vlerës” janë ata që fitojnë thjesht duke lëvizur burimet që janë tashmë në treg, duke e bërë veten të pasur në mënyrë disproporcionale.
Linja që ndan këto dy grupe quhet “kufiri i prodhimit”.
